Abbas Lisani daha bir il müddətinə həbs cəzasına məhkum olunub

Paylaş
İran azərbaycanlılarının haqları uğrunda hərəkatın liderlərindən olan Abbas Lisani daha 1 il müddətinə həbs cəzasına məhkum olunub.
A. Lisaninin həyat yoldaşı Ruqəyya Lisani APA-ya bildirib ki, A. Lisaniyə məhkəmə tərəfindən verilən cəza müddəti dekabrın 30-da bitsə də, bu gün keçirilən məhkəmədə ona daha bir il cəza verilib. O deyib ki, A. Lisaninin cəzasının uzadılmasına səbəb onun 2006-cı ildə Bəzz (Babək) qalasına yürüşün təşkilatçısı olması ilə əlaqələndirilib. A. Lisani cəzasının qalan hissəsini çəkmək üçün Əhər həbsxanasına göndəriləcək.
Qeyd edək ki, A. Lisani 2006-cı ilin iyununda, həmin ilin may hadisələrində təşkilatçılıqda təqsirləndirilərək həbs olunub. Ərdəbil İnqilab Məhkəməsi isə A. Lisanini 18 ay müddətinə həbs cəzasına məhkum edib.

Oxunub: 218 dəfə. Şərhlər: 0
Forumda müzakirə et Bu xəbərə fikir bildir və ya şərhlərə bax